18 مايو 2008

البحث العربي : محاولة للفهم

البحث العربي في محاولة لفهم توجهات العقل العربي و في اثناء إعداد مقال جديد ، ألقيت نظرة على أعلى مفردات البحث العربي على الإنترنت خلال شهر أبريل الماضي ، و كانت أكثر المفردات – المهذبة – استخداما في ثلاثة من الدول العربية (غير مصر) كالتالي مع محاولتي لتفسير سبب البحث عنها :

  • خلفيات للكمبيوتر : الكمبيوتر أداة مهمة و نستخدمها يوميا ، لا مانع من جعل شكله أفضل .
  • الدستور : ممتاز وعي سياسي غير مسبوق – أم أنهم يقصدون جريدة الدستور ؟ لا مانع أيضا .
  • اضحك : الحاجة للتسلية حق مشروع أيضا ..
  • nicole kidman : بدأنا في الهيافة مبكرا ..
  • حفر الباطن : غريب أن تسبق محافظات أكبر و أشهر ، لكن لا مانع أبدا
  • برامج نوكيا n73 : الموبايل مهم أيضا ، لكن لماذا n73 تحديدا ؟
  • تصاميم : واضح إن الحس الفني عال في بلادنا
  • proxy web : مشاكل أمنية و مواقع محجوبة ؟ مفهوم طبعا
  • vista wallpaper : هذا الموضوع أصبح الشغل الشاغل حقا ، لقد بدأت أحس أن الخلفية عندي مشكلة بالفعل
  • أناشيد إسلامية : هل يعني هذا توبة عن الأغاني الأخرى ؟ أين المطربين بالمناسبة ؟
  • جمهور الاتحاد : الرياضة شئ جميل ، أنا لا أفهم في كرة القدم و لكن من الواضح أنها رابطة رياضية .
  • Masrawy : أعتقد هذه مفهومة للمغتربين المصريين
  • كوووورة : الرياضة من جديد ، و خاصة كرة القدم .
  • Kfupm : يا سلام ، جامعة الملك فهد للبترول والمعادن ، أول كلمة بحث تدل على أن عندنا متعلمين و باحثين .
  • صور شجون الهاجري : لا أدري من هي ، و لكنها المنافسة المحلية و الوحيدة لنيكول كيدمان في القائمة
  • مصرف أبوظبي الإسلامي : أول كلمة بحث اقتصادية ، يا كريم

و للأسف تراوحت باقي الكلمات بين : المحقق كونان ، رسوم ، اغاني شعبيه ، صور صدام حسين ، Airlines ، Gym ، صور فراشات ، cinestar cinemas ، make up games ، صور ، العاب ، كاظم الساهر ، حسام الرسام ، myspace ، amazon ، youtube ، ابراج ..

أنظر إلى القائمة بحسرة و تتأكد لدي القناعة أننا نحتاج إلى الكثير و الكثير بالفعل لنصبح أفضل .

و هكذا أعيد الآن كتابة المقال من جديد !

هناك 13 تعليقًا:

غير معرف يقول...

دي مصيبة سودة...، بس أرجع وأقول إن ده شيئ متوقع!

واصطنعتك لنفسي يقول...

وأنا أقرأ المقال تذكرت

إن الله لا يغير ما بقوم حتي يغيروا ما بأنفسهم

رغم إني مش بحب أكلم عن المصريين أو العرب بشكل سلبي بحت ..لكنها للأسف حقيقة وواقع

وطبيعي جداً ومتوقع ما تقول فانت عندما تجلس في أي مكان تنتظر أحداً أو في عيادة مثلاً وانت تمسك كتاب ينظر لك الجميع علي أنك مخلوق فضائي

ويبدو إني أعاني انا الأخري من مأساة مؤسفة فيما يتعلق بخلفية شاشتي..أعتقد اننا بحاجة إلي علاج

الحمد لله أن مقالك تطرق للمباحث المهذبة فقط..كان زمان الصدمة أشد
رغم أن النتيجة للأسف معروفة

اسم مدونتك معبر جداً وعميق
كلمة رحايا تعطي انطباعات كثيرة تتخطي مجرد المعني الظاهر
أحييك علي اختيار الاسم

إيمان

قوس قزح يقول...

من كام شهر قررت وزارة الاتصالات تقليل الخدمة الخاصة بالانترنت و تحجمها
يعنى تبقى ب 45 مع مساحة محددة من الدون لود
و لما اعترض الناس على التحجيم ده كان رد وزير الاتصالات ان للاسف بالرغم من ان مصر بدعم النت لناس كتير علشان يكون فى تقدم تكنولوجى لكن المصريين بيسئوا استخدامه و بيكون اغلب مستخدميه زوار لمواقع غير اخلاقية او العاب او صور او شات

سيبك من انه الواحد مفروض يثقف نفسه و فرصة ان النت بيقرب لك المعلومة .. مش هنتكلم فى ده و نقول اللى ياكل على ضرسه .. لكن ازاى ترضى تدفع اهلك تمن خدمة و انت بتستغلها استخدام كده ؟؟ ازاى ترضى تقعد على الكمبيوتر و تنزل صور غير اخلاقية من النت و لك اولاد ممكن فى اى لحظة يشوفوا حاجة زى دى ؟؟ ليه تخلى سمعة بلدك تكون اول دولة فى الباحث عن الجنس ؟؟ هو ده دينا هو ده عروبتنا ؟؟

عدم البحث عن المفيد مش المشكلة المشكلة هى السعى وراء ما هو غير اخلاقى و هايف

تحياتى

Fahd يقول...

والله يا اخي احزنتني وانت كانت هذه النتيجة متوقعه

صدقني ليست مشكلتنا فقط في حكامنا هي فينا ايضا وبنفس القوة

نحن نحتاج للتربية

تعرف احيانا بكون مضايق وقرفان وممكن اعمل سرش علي اي حاجه كده ساعات مش بعمل كده علشان موضوع الاحصاء ده
انهم بيجمعوا عننا تقارير

جزاكم الله خيرا

انا كنت عايز السورس ده

Ahmed Kamal يقول...

@ هنا و هناك

عندك حق ، و المشكلة إننا بقينا عارفين كده و كمان متوقعينه .. أظن النتيجة كانت حتبقى مدهشة و غير متوقعة فعلا لو وجدنا الناس بتبحث عن أشياء مفيدة .

Ahmed Kamal يقول...

@ إيمان

شكرا جزيلا على مرورك و على تعليقك على الرحايا .

أنا أيضا أكره جلد الذات ، و لكن الحقيقة أن عندنا أزمة ثقافية متفاقمة تجعل القارئ (و ليس حتى المثقف) مخلوق فضائي .

Ahmed Kamal يقول...

@rainbow

و الله أنا مش متأكد من حكاية دعم النت دي ، لكن إحنا سمعتنا طبعا جميلة و لا حول و لا قوة إلا بالله .

أنا متهيألي إن الموضوع كله إننا مش عارفين المفروض نبحث عن إيه .

نورتينا

Ahmed Kamal يقول...

@ فهد

صدقت يا أخي في موضوع التربية ده ، أما عن المصدر فيمكنك مراجعة :

http://www.google.com/press/zeitgeist.html

شكرا لمرورك و بانتظارك دائما .

Mostafa Abdelmoneam Badr يقول...

الله ينور على حضرتك.
انت فعلا شغال بقى!ّ
اصل انا لسة بقلب فى مدونتك الجميلة جدا وده تانى موضووع ارزوره.

أنا فى قمة السعادة انى بتعرف على حضرتك.شكلى كدة هابدأ اتعلم

تقبل تحياتى.

Ahmed Kamal يقول...

@ مع إصراري

شكرا على ذوقك ده ، أنا سعيد أكثر بكلامك الجميل .

في انتظار تعليقاتك دائما ..

ahmed يقول...

شكرا جزيلا على مرورك و على تعليقك على الرحايا .

أنا أيضا أكره جلد الذات ، و لكن الحقيقة أن عندنا أزمة ثقافية متفاقمة تجعل القارئ (و ليس حتى المثقف) مخلوق فضائي .

ali يقول...

الله ينور على حضرتك.
انت فعلا شغال بقى!ّ
اصل انا لسة بقلب فى مدونتك الجميلة جدا وده تانى موضووع ارزوره.

أنا فى قمة السعادة انى بتعرف على حضرتك.شكلى كدة هابدأ اتعلم

zaid يقول...

و الله أنا مش متأكد من حكاية دعم النت دي ، لكن إحنا سمعتنا طبعا جميلة و لا حول و لا قوة إلا بالله .

أنا متهيألي إن الموضوع كله إننا مش عارفين المفروض نبحث عن إيه .

نورتينا